لو عندك كيلو لحم مفروم اعملي كفتة الحاتي بأكبر كمية هتكفي عزومة كاملة

طريقة عمل كفتة الحاتي سهلة ومش هتاخد معاكي وقت طويل وهتقدري تقدمي لأولاك أشهى وألذ طريقة ممكن تعملي بيها الكفتة، وعشان كده تابعينا واعرفي معانا المواصفات والطريقة التي هتساعدك تقدري تعملي أشهى كفتة تشبه كفتة الحاتي.

طريقة عمل كفتة الحاتي

عشان تعرفي تعمل ألذ كفتة الحاتي حضري المكونات الآتية:

• كيلو لحمة مفرومة.
• خليط من اللحم الضأني واللحم البقري.
• بصلتين مفرومتين.
• رغيف من الفينو الصغير.
• معلقة بيكنج باودر.
• القليل من البقدونس المطحون.
• ملح وفلفل أسود.
• كوب دقيق.
• معلقة من الثوم المفروم.
• عصير ليمون.
• معلقتين من الخل.
• معلقة ملح وبابريكا وكمون.

طريقة التحضير

1. نخلط كل من اللحمة المفرومة مع اللحم البقري ولحم الضأن مع بعضهم البعض.
2. بعدها نضع عليهم البهارات والتوابل الموجودة معنا مع اللحم بحيث تختلط كل المكونات كويس.
3. نحط الفينو في شوية ماية بحيث يكون طري، ونضعه على اللحمه ومعاه البصل المفروم ونخلط كل المكونات مع بعضها.
4. بعدها نبدأ في عمل الكفتة على شكل صوابع ونشكلها على أسياخ بحيث تكون على شكل صوابع.
5. نبل الايدين بماء البصل ونمسح على أصابع الكفتة بماء البصل.
6. نحط أسياخ الكفتة على صينية فرن ونتركها في الفرن حتى تنضج.
7. الكفتة لا تحتاج لأكثر من 15 أو 20 دقيقة بالكثير عشان تستوي ومتتحرقش.
8. نولع قطعة فحم صغيرة على النار، وبعدها نضعها في صينية الكفتة وعليها نقطة زيت ونغطي الصينية بحيث ينتشر الدخان مع اللحم المشوي وهو ده ال بيخلي طعمها زي الحاتي.
9. وممكن نقدم الكفتة مع طبق سلطة طحينة أو مكرونة حسب الرغبة.

بعد أن تعرفنا على طريقة عمل كفتة الحاتي دلوقتي تقدي تعمل لوحدك كفتة الحاتي زي ال بتتباع في المطاعم بأقل التكاليف ومش هتعرفي تفرقي في الطعم بينها وبين الكفتة الجاهزة.